Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 77-1} iṇai iraṇṭu iyaintu otta mukai nāppaṇ piṟitu yātu um
• {KALI 77-2} tuṇai iṉṟi taḷai viṭṭa tāmarai taṉi malar
• {KALI 77-3} tiru mukam iṟaiñciṉaḷ vīḻpavaṟku iṉaipavaḷ
• {KALI 77-4} ari matar maḻai kaṇ nīr alar mulai mēl teṟippa pōl
• {KALI 77-5} takai malar paḻaṉatta puḷ oṟṟa ocintu olki
• {KALI 77-6} mika naṉi cērnta a mukai micai a malar
• {KALI 77-7} aka itaḻ taṇ paṉi uṟaittarum ūra kēḷ
• {KALI 77-8} taṇ taḷir takai pūtta tātu eḻil nalam cela
• {KALI 77-9} koṇṭu nī māṟiya kaviṉ peṟal vēṇṭēṉ maṉ
• {KALI 77-10} uṇṭātal cālā eṉ uyir cātal uṇarntu niṉ
• {KALI 77-11} peṇṭu eṉa piṟar kūṟum paḻi māṟa peṟukaṟpiṉ
• {KALI 77-12} poṉ eṉa pacanta kaṇ pōtu eḻil nalam cela
• {KALI 77-13} tol nalam iḻanta kaṇ tuyil peṟal vēṇṭēṉ maṉ
• {KALI 77-14} niṉ aṇaṅku uṟṟavar nī ceyyum koṭumaikaḷ
• {KALI 77-15} eṉ uḻai vantu nontu uraiyāmai peṟukaṟpiṉ
• {KALI 77-16} mācu aṟa maṇṇuṟṟa maṇi ēcum irum kūntal
• {KALI 77-17} vī cērntu vaṇṭu ārkkum kaviṉ peṟal vēṇṭēṉ maṉ
• {KALI 77-18} nōy cērnta tiṟam paṇṇi niṉ pāṇaṉ em maṉai
• {KALI 77-19} nī cērnta il viṉāy vārāmai peṟukaṟpiṉ
• {KALI 77-20} āṅka
• {KALI 77-21} kaṭaiiya niṉ mārpu tōyalam eṉṉum
• {KALI 77-22} iṭai um niṟai um eḷitu ō niṉ kāṇiṉ
• {KALI 77-23} kaṭavupu kai taṅkā neñcu eṉṉum tammōṭu
• {KALI 77-24} uṭaṉ vāḻ pakai uṭaiyārkku